Á Software Development deildini eru fleiri enn tjúgu fólk í starvi, sum arbeiða við dygdarloysnum bæði til tað almenna og privata, heima og í útheiminum.

Journalskipanir, sum fyrst og fremst standa fyri skráseting, skjalhandfaring og málsviðgerð, soleiðis at virðismikil kunnleiki verður goymdur og umsitin á tryggasta hátt.

LøttLøn er ein lønarskipan, sum er ment frá grundini av Formula til tann føroyska marknaðin. Skipanin egnar seg til bæði smærri og størri virkir. Einstaka virki keypir einans teir hentleikar, ið tørvur er á.
Fleiri upplýsingar fáast á Løttlønheimasíðuni

I2.net er ein framkomin standardskipan til uppbygging, skipan og viðlíkahald av einum góðum virkisportali, sum verður nýttur til kunning, samskifti og umsitingarligar uppgávur innanhýsis ella uttanhýsis hjá fyritøkuni.

I2.net er rætta skipanin hjá virkjum og stovnum, sum ynskja eina framkomna og fjølltáttaða heimasíðu, eitt gott intranet til vitanarsamskifti og –stýring ella eitt ekstranet til kunning og tænastur til úrvaldar málbólkar og eyðmerkt viðskiftafólk.

Tollingaráheitanin er ein skipan, ið lættir um hagreiðing av tollpappírum. Tað er møguligt at sláa beinleiðis upp í tariffnumrum og leita uppá nummar, nøvn vm. Soleiðis sleppa tygum undan at sláa upp í tarrifhondbókini.

Tygum kunnu eisini seta vørunummur hjá útvegara tygara inn í skipanina. Hetta merkir, at tá tygum fáa ein faktura so sláa tygum bert útvegara nummur inn, skipanin finnur so sjálv tariffnummur v.m.

Totalview er ein skipan, sum Siemens hevur ment saman við Formula, til at nýta á HiPath 3000 telefonskipanini.

Við Totalview fær virkið/stovnurin eina einastandandi heildarmynd, har møguligt er at síggja, hvar øll starvsfólk eru, og um tey eru tøk. Hetta er við til at gera eina smidligari arbeiðsgongd hjá móttøkuni og starvsfólkunum annars, samstundis sum tænastan til kundan verður sett í hásætið.

Patsec er eitt KT-amboð til skráseting, dokumentering og til góðskueftirlit av tekniskum tólum. Skipanin er útviklað á Føroya Landssjúkrahús síðani 1983 av Torbein Rein, og er leypandi testað og dagført. Formula setur neyðugt tilfeingi viðvíkjandi support og víðariútvikling av Patsec.

Patsec verður í dag nýtt á sjúrkahúsunum í Slagelse, Holbæk, Kalundborg og Ringsted, umframt á Dr. Ingrids Hospital í Nuuk. Skipanin er viðurkend av sínum marknaði. Her sæst ein Lýsing av Patsec á donskum